«Қазіргі кино өнерінің дамуы» тақырыбындағы мастер-класс

2016 жылдың  22  қыркүйек  күні  Педагогика және мәдениет факультетінің 401 аудиториясында «Қазіргі кино өнерінің дамуы» тақырыбында 5В040600-Режиссура мамандығының студенттеріне арналған мастер-класс өтті. Аталмыш мастер-классты Қазақ Ұлттық Өнер Академиясының доценті, кинотанушы, киносыншы, Өнертану ғылымының кандидаты Мүрсәлімова Гүлнар Амангелдіқызы  және аниматор, «Қазақ  елі» толықметражды аниматорлық фильмін жарыққа шығарған «САҚ» киностудиясының директоры  Паттеев  Нуриддин Исаұлы  өткізді. Талқыланған тақырып  қазіргі таңда  өзекті болғандықтан, жалпы студенттер мен  ұстаздар қауымы зейін  салып  тыңдап, қызу  талқылау  орын  алды. Режиссура мамандығының  студенттері  өздеріне  қажетті  мәліметтерді  алып, мастер-класс жоғары  деңгейде  өтті.