«Мәдени-тынығу және сахналық қызмет» кафедрасының тарихы
«Мәдени-тынығу және сахналық қызмет» кафедрасы М.Әуезов атындағы Оңтүстік Қазақстан университеті «Мәдениет және спорт» факультетінің құрылымдық бөлімі болып табылады. Кафедра 2017 жылдың 28 тамыз айында университет Ғылыми Кеңесінің шешімімен құрылған. Алғаш кафедра меңгерушісі болып Турдалиева Ш.Ж. тағайындалды, 2022 ж бастап кафедраны ҚР «Мәдениет саласының үздігі» Туреханов Қ.Е. басқарады. Кафедра 6В11121-«Театр қойылымдарының технологиясы және продюсерлеу», 6В11124- «Мәдени-тынығу қызметі және эстрадалық ән салу» білім бағдарламалары бойынша бакалавр мамандарын даярлайды. Кафедра құрамында білікті ғалым-ұстаздар – педагогика ғылымдарының докторы, доцент Арымбаева К.М., педагогика ғылымдарының кандидаттары, доценттер Багов И.Т., Исатаева З.Ж., Мухамедин М.М., Өнертану ғылымдарының кандидаты, доцент Гамарник М.Я.; өнер шеберлері: «Қазақстанның еңбек сiңiрген қайраткерi» Сраилов Б.Б., «Мәдениет саласының үздігі» төсбелгісінің иегерлері Төреханов Қ.Е. Жұмабай Л.Ж., Әлжанова Б.Т.; халықаралық және Республикалық байқаулардың лауреаттары Жандарбеков А.А., Емкулова А.И., Турдалиева Ш.Ж., Бексейтов Н.Б.; тәжірибелі аға оқытушылар Төлеуов Е.С., Ормолдаева М.А., Серікбаева Қ.Қ., Отарбаева Б.Қ., Ботаев Б.Ч., сонымен қатар магистр-аға оқытушылар Мусакулова Д.А., Мекенбаева Э.А.; магистр-оқытушылар Исламбеков Ә.Б., Төлебаева Ғ.Б., Байсымақова А.Қ., Байсымақова А.Қ., Аманалиев Қ.Е. қызмет етеді. Кафедра мамандар даярлаумен қатар оқу-әдістемелік, ғылыми-шығармашылық және тәрбие жұмыстары саласында да біршама жетістіктерге жетті, атап айтсақ кафедра профессор-оқытушылар құрамы соңғы 3 жылда 10-нан астам оқу құралын, 30-ға жуық әдістемелік нұсқау дайындап шығарды, алыс және жақын шетелдерде (Польша, Ресей, Чехия т.б) 6 мақала жарияланды, Санкт-Петербург мемлекеттік мәдениет институтымен (Ресей) өзара ынтымақтастық меморандум негізінде (2024) бірлесе жұмыс жүргізілуде. Кафедра дайындайтын Білім бағдарламалары бойынша білім алушылардан құралған команда ХVІ Республикалық пәндік олимпиадада 1-орын (Қарағанды қ, 2024 ж.) алды, сондай-ақ «Мадемуазель» КТК республикалық «Жайдарман» фестивалінде жүлделі ІІ-орынга (Тараз қ. 2023 ж.) ие болды. Кафедра жанында «Думан» халықтық жастар театры (режиссеры Ақылбеков Е.Қ.) және «МТЖ Арт» (жетекшісі Жантілеуов Ғ.З.) вокалдық-аспаптық ансаблі жұмыс істейді. Болашақ маман ретінде білім алушылар Республика, қала және облыс көлеміндегі ірі мәдениет пен өнер мекемелерінде, арнайы жасалынған келісім-шарт негізінде кәсіптік практикадан өтіп, өз шығармашылықтарын шыңдауда. Бітірген түлектер еліміздің түрлі мәдениет ошақтарында, әсіресе театр өнері саласында табысты еңбек етуде.
Кафедраның негізгі ұстанымы қазіргі заман талаптарына сай жаңа білім бағдарламалары бойынша бәсекеге қабілетті, шығармашыл, білікті мәдениет және өнер саласына мамандар даярлау.
